Աշխարհի կրկնակի չեմպիոն Արգենտինայի հավաքականը աշխարհի առաջնություններում 6-րդ անգամ հանդես եկավ կիսաեզրափակիչում եւ տարավ 6-րդ հաղթանակը։
Լիոնել Սկալոնիի գլխավորած թիմը 3:0 հաշվով առավելության հասավ 2018թ․ աշխարհի փոխչեմպիոն Խորվաթիայի նկատմամբ։
Նախքան այս Արգենտինայի հավաքականը եզրափակիչ էր դուրս եկել 1930, 1978, 1986, 1990, 2014 թվականների առաջնություններում։ Արգենտինացիները չեմպիոն են դարձել 1978-ին եւ 1986-ին։
Աշխարհի ընթացիկ առաջնության եզրափակիչում Արգենտինայի մրցակիցը կլինի աշխարհի չեմպիոն Ֆրանսիայի եւ Մարոկկոյի դիմակայության հաղթողը։
Հետևեք NEWS.am SPORT-ին Facebook-ում, Twitter և Telegram-ում