21:15  ,  13 դեկտեմբերի, 2022

ԱԱ-2022. Ուպամեկանոյի եւ Ռաբյոյի մասնակցությունը կիսաեզրափակիչին հարցականի տակ է

Աշխարհի չեմպիոն Ֆրանսիայի հավաքականի պաշտպան Դեոտշանկյուլ Ուպամեկանոյի («Բավարիա») եւ կիսապաշտպան Ադրիեն Ռաբյոյի («Յուվենտուս») մասնակցությունը աշխարհի առաջնության կիսաեզրափակիչի հանդիպմանը հարցականի տակ է, հաղորդում է ֆրանսիական L'Equipe-ը։

Ռաբյոն ու Ուպամեկանոն չեն կարողացել հավաքականի ընդհանուր խմբում մասնակցել դեկտեմբերի 13-ի մարզմանը։ Երկու ֆուտբոլիստներն էլ մրսածություն ունեն եւ կոկորդի ցավ։ Նրանք թեթեւ մարզում են անցկացրել մարզադահլիճում։

Կիսաեզրափակիչի Ֆրանսիա - Մարոկկո հանդիպումը տեղի կունենա դեկտեմբերի 14-ին եւ կմեկնարկի Երեւանի ժամանակով 23:00-ին։

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով