Աշխարհի առաջնությունում ավարտվեց խմբային փուլը։ Փլեյ-օֆֆի վերջին ուղեգիրը նվաճեց Շվեյցարիայի հավաքականը, որը G խմբի երրորդ տուրում 3:2 հաշվով պարտության մատնեց սերբերին եւ 6 միավորով գրավեց երկրորդ տեղը։
20-րդ րոպեին խաղի հաշիվը բացեց Շվեյցարիայի հավաքականի եւ ամերիկյան «Չիկագո Ֆայրի» 31-ամյա կիսապաշտպան Ջորդան Շաքիրին։ 26-րդ եւ 35-րդ րոպեներին սերբերը երկու գոլ խփեցին եւ առաջ անցան հաշվի մեջ։ Աչքի ընկան անգլիական «Ֆուլհեմի» 28-ամյա հարձակվող Ալեքսանդր Միտրովիչն ու Թուրինի «Յուվենտուսի» 22-ամյա հարձակվող Դուշան Վլահովիչը։
Մինչեւ ընդմիջում Շվեյցարիան կարողացավ վերականգնել հավասարությունը։ 44-րդ րոպեին սերբերի դարպասը գրավեց «Մոնակոյի» 25-ամյա հարձակվող Բրիլ Էմբոլոն։ 48-րդ րոպեին Շվեյցարիայի հավաքականի հաղթական գոլը խփեց անգլիական «Նոթինգեմ Ֆորեսթի» 30-ամյա կիսապաշտպան Ռեմո Ֆրոյլերը։
Սերբիան 1 միավորով գրավեց վերջին տեղը։
Այս խմբում երկու հաղթանակից հետո դեռ նախորդ տուրում ուղեգիրն ապահովել էր Բրազիլիայի հավաքականը, որը 0:1 հաշվով պարտվեց Կամերունի թիմին եւ 6 միավորով գրավեց առաջին տեղը։ Բրազիլացիները գոլերի տարբերությամբ գերազանցեցին շվեյցարացիներին։ Կամերունի հաղթական գոլն ավելացված ժամանակում խփեց Սաուդյան Արաբիայի «Ալ Նասրի» 30-ամյա հարձակվող Վենսան Աբուբաքարը, որը խաղաշապիկը հանելու հանելու համար երկրորդ դեղին քարտը ստացավ եւ հեռացվեց։
A story in four parts.
— FIFA World Cup (@FIFAWorldCup) December 2, 2022
This #FIFAWorldCup Group Stage is providing drama right until the very end! pic.twitter.com/v7iviclvYH
Կամերունը 4 միավորով գրավեց երրորդ տեղը։
1/8 եզրափակիչում Բրազիլիան դեկտեմբերի 5-ին կմրցի H խմբում երկրորդ տեղը գրաված Հարավային Կորեայի հետ։ Շվեյցարիայի թիմի մրցակիցը կլինի H խմբի հաղթող Պորտուգալիան։
ԱԱ-2022, երրորդ տուր, G խումբ
Կամերուն - Բրազիլիա՝ 1:0 (տեսանյութ)
Վենսան Աբուբաքար, 90+2
Հեռացում՝ Վենսան Աբուբաքար, 90+3, երկրորդ դեղին քարտ
Սերբիա - Շվեյցարիա՝ 2։3 (տեսանյութ)
Ալեքսանդր Միտրովիչ, 26, Դուշան Վլահովիչ, 35 - Ջորդան Շաքիրի, 20, Բրիլ Էմբոլո, 44, Ռեմո Ֆրոյլեր, 48
Մրցաշարային դրություն․ Բրազիլիա՝ 6 միավոր, Շվեյցարիա՝ 6, Կամերուն՝ 4, Սերբիա՝ 1։
Group G has reached its conclusion
— FIFA World Cup (@FIFAWorldCup) December 2, 2022
It's time to head to the knockout stage #FIFAWorldCup | #Qatar2022
H խումբ
Հարավային Կորեա - Պորտուգալիա՝ 2:1 (տեսանյութ)
Կիմ Յուն Կվոն, 27, Հվան Հի Չան, 90+1 - Ռիկարդու Օրտա, 5
Գանա - Ուրուգվայ՝ 0:2 (տեսանյութ)
Խիորխիան դե Արասկաետա, 26, 32
Չիրացրած 11մ՝ Անդրե Այու (Գանա), 21
Մրցաշարային դրություն․ Պորտուգալիա՝ 6 միավոր, Հարավային Կորեա՝ 4, Ուրուգվայ՝ 4, Գանա՝ 3։
Հետևեք NEWS.am SPORT-ին Facebook-ում, Twitter և Telegram-ում