ԱԱ-2022. Ֆրանսիան պարտվեց, երկրորդ ուղեգիրը D խմբից նվաճեց Ավստրալիան (ֆոտո, վիդեո)

Աշխարհի առաջնության խմբային փուլի վերջին տուրում աշխարհի չեմպիոն Ֆրանսիայի հավաքականը մրցեց Թունիսի թիմի հետ։ Դիդիե Դեշամի գլխավորած թիմը ոչ հիմնական մեկնարկային կազմով պարտվեց նվազագույն հաշվով։

58-րդ րոպեին Թունիսի հավաքականի եւ ֆրանսիական «Մոնպելիեի» 31-ամյա հարձակվող Վահբի Խազրին բացեց խաղի հաշիվը։

BIG moments in Group D

58' Khazri puts #TUN 1-0 up
60' Leckie puts #AUS 1-0 up #AUS now heading through, as it stands pic.twitter.com/MAsJ4kIEXV

— FIFA World Cup (@FIFAWorldCup) November 30, 2022

Ավելացված 8-րդ րոպեին Մադրիդի «Աթլետիկոյի» 31-ամյա հարձակվող Անտուան Գրիզմանը գրավեց Թունիսի թիմի դարպասը, սակայն VAR-ը գրանցեց խաղից դուրս վիճակ եզրափակիչ սուլիչից հետո։

Ֆրանսիայի հավաքականը դեռ նախորդ տուրում էր երկու հաղթանակից հետո ապահովել փլեյ-օֆֆի ուղեգիրն ու առաջին տեղը խփած 6 գոլի շնորհիվ։

D խմբից երկրորդ ուղեգիրը նվաճեց Ավստրալիայի հավաքականը, որը նվազագույն հաշվով պարտության մատնեց Դանիայի թիմին եւ 6 միավորով գրավեց երկրորդ տեղը։

Ավստրալիայի թիմի հաղթական գոլը 60-րդ րոպեին խփեց ավստրալական «Մելբուրն Սիթիի» 31-ամյա հարձակվող Մեթյու Լեկին։

Not a bad time to score your first #FIFAWorldCup goal #FIFAWorldCup | #AUS pic.twitter.com/CxptCEiF33

— FIFA World Cup (@FIFAWorldCup) November 30, 2022

Ֆրանսիայի հավաքականը 1/8 եզրափակիչում կմրցի C խմբի երկրորդ տեղը գրաված թիմի հետ, ավստրալացիների մրցակիցը կլինի C խմբի հաղթողը։

ԱԱ-2022․ D խումբ, երրորդ տուր

Թունիս - Ֆրանսիա` 1:0 (տեսանյութ)

Վահբի Խազրի, 58 

Ավստրալիա - Դանիա՝ 1:0 (տեսանյութ)

Մեթյու Լեկի, 60

Մրցաշարային դրություն․ Ֆրանսիա՝ 6 միավոր, Ավստրալիա՝ 6, Թունիս՝ 4, Դանիա՝ 1։

Group D is in the books #AUS join holders #FRA in the last 16!#FIFAWorldCup | #Qatar2022

— FIFA World Cup (@FIFAWorldCup) November 30, 2022

C խումբ

Նոյեմբերի 30

Լեհաստան - Արգենտինա՝ 23:00 (Երեւանի ժամանակ)

Սաուդյան Արաբիա - Մեքսիկա՝ 23:00

Մրցաշարային դրություն․ Լեհաստան՝  4 միավոր, Արգենտինա՝ 3, Սաուդյան Արաբիա՝ 3, Մեքսիկա՝ 1։

Հետևեք NEWS.am SPORT-ին Facebook-ում, Twitter և Telegram-ում