Լոնդոնի «Չելսին» մտադիր չէ գաբոնցի հարձակվող Պիեր-Էմերիկ Օբամեյանգի համար վճարել «Բարսելոնայի» պահանջած 30 միլիոն եվրոն, հաղորդում է ESPN-ը։
Անգլիական ակումբը հույս ունի տրանսֆերն իրականացնել 15 միլիոն ֆունտ ստերլինգով (մոտ 17,7 միլիոն եվրո)։
«Չելսին» արդեն համաձայնության է հասել Օբամեյանգի հետ, որը դեմ չէ վերադառնալ Պրեմիեր լիգա։
Օբամեյանգի պայմանագիրը «Բարսելոնայի» հետ նախատեսված է մինչեւ 2025թ․ հունիս։ Անցած մրցաշրջանում նա իսպանացի Չավիի գլխավորած թիմի հետ մասնակցել է 24 հանդիպման, խփել 13 գոլ։
Հետևեք NEWS.am SPORT-ին Facebook-ում, Twitter և Telegram-ում