Ռուսաստանի եւ Բելառուսի բիաթլոնիստները հեռացվեցին միջազգային մրցումներից

Բիաթլոնիստների միջազգային միությունը (IBU) Ռուսաստանի եւ Բելառուսի բիաթլոնիստներին հեռացրել է բոլոր միջազգային մրցումներից, հաղորդում է կազմակերպության կայքը։

Որոշման պատճառը Ուկրաինայում Ռուսաստանի զինված ուժերի ռազմական գործողություններն են։ Միջազգային օլիմպիական կոմիտեն բոլոր մարզաձեւերի միջազգային ֆեդերացիաներին, կազմակերպություններին, մրցումների կազմակերպիչներին առաջարկել է զրկել Ռուսաստանի եւ Բելառուսի մարզիկներին միջազգային մրցումների մասնակցելու իրավունքից։

Մարտի 17-ից հետո IBU-ն կքննարկի Ռուսաստանի եւ Բելառուսի ֆեդերացիաները կազմակերպությունից հեռացնելու հարցը։

Հետևեք NEWS.am SPORT-ին Facebook-ում, Twitter և Telegram-ում