«Ռեալը» կհեռացնի Անչելոտիին, եթե դուրս մնա ՉԼ-ից

Մադրիդի «Ռեալի» ղեկավարությունը կհեռացնի թիմի իտալացի գլխավոր մարզիչ Կառլո Անչելոտիին, եթե Իսպանիայի առաջնության առաջատարները չկարողանան Չեմպիոնների լիգայի 1/8 եզրափակիչում հաղթահարել ֆրանսիական ՊՍԺ-ի արգելքը, հաղորդում է Independent-ը։

Նշվում է, որ «Ռեալի» ղեկավարությունը Անչելոտիին հեռացնելուց հետո կհրավիրի ՊՍԺ-ի արգենտինացի գլխավոր մարզիչ Մաուրիսիո Պոչետինոյին։ 49-ամյա մասնագետը փարիզյան թիմը գլխավորում է 2021թ․ հունվարից։

Չեմպիոնների լիգայի 1/8 եզրափակիչի առաջին խաղում ՊՍԺ-ն «Ռեալին» հաղթել է ֆրանսիացի հարձակվող Կիլիան Մբապեի գոլի շնորհիվ՝ 1։0։

Պատասխան հանդիպումը Մադրիդում տեղի կունենա մարտի 9-ին։

Հետևեք NEWS.am SPORT-ին Facebook-ում, Twitter և Telegram-ում