Պեկին-2022. Գերմանիայի երկրորդ ոսկե մեդալը

Պեկինի 24-րդ ձմեռային Օլիմպիական խաղերում բիաթլոնի կանանց 15 կմ մրցատարածությունում չեմպիոնի տիտղոսը նվաճեց գերմանացի Դենիզե Հերմանը։ Նա մրցատարածությունը հաղթահարել է 44 րոպե, 12,7 վայրկյանում՝ թույլ տալով մեկ վրիպում։

Երկրորդ տեղը գրավել է ֆրանսիացի Անաիս Շեւալյե-Բուշեն, որը չեմպիոնից հետ մնաց 9,4 վայրկյան եւ թույլ տվեց մեկ վրիպում։

Լավագույն եռյակը եզրափակեց նորվեգացի Մարտե Ուլսբյու-Ռյոյսելանդը, որը 15,3 վայրկյան հետ մնաց հաղթողից եւ թույլ տվեց երկու վրիպում։

Գերմանիան երկրորդ ոսկե մեդալը նվաճեց Պեկինի Խաղերում եւ մեդալային հաշվարկում չորրորդն է։

Պեկին-2022, բիաթլոն, կանայք, անհատական մրցավազք

1. Դենիզ Հերման (Գերմանիա)՝ 44.12,7 (0+0+1+0)
2. Անաիս Շեւալյե-Բուշե (Ֆրանսիա)՝ + 9,4 (0+0+0+1)
3. Մարտե Ուլսբյու-Ռոյսելան (Նորվեգիա)՝ + 15,3 (1+0+0+1)

Հետևեք NEWS.am SPORT-ին Facebook-ում, Twitter և Telegram-ում