14:25  ,  1 դեկտեմբերի, 2021

Անսու Ֆատիի վերադարձը սպասվում է «Բավարիայի» դեմ խաղում

«Բարսելոնայի» եւ Իսպանիայի հավաքականի հարձակվող Անսու Ֆատին մոտ է խաղադաշտ վերադառնալուն, հաղորդում է Marca-ն։19-ամյա ֆուտբոլիստը վերականգնվել է նոյեմբերին ստացած ծնկատակի ջլի վնասվածքից հետո։

Սպասվում է, որ Անսու Ֆատին կմասնակցի Գերմանիայի չեմպիոն «Բավարիայի» դեմ Չեմպիոնների լիգայի խմբային մրցաշարի վերջին տուրի հանդիպմանը, որը տեղի կունենա դեկտեմբերի 8-ին Մյունխենում։

E խմբում «Բավարիան» 5 հաղթանակից հետո ապահովել է առաջին տեղն ու 1/8 եզրափակիչի ուղեգիրը։ «Բարսելոնան» 7 միավորով երկրորդն է, «Բենֆիկան» երրորդն է՝ 5 միավոր։ Պորտուգալական ակումբը վերջին տուրում կընդունի Կիեւի «Դինամոյին» (1 միավոր)։

Ընթացիկ մրցաշրջանում Անսու Ֆատին կատալոնական թիմի հետ մասնակցել է 8 հանդիպման, խփել 4 գոլ, կատարել 1 գոլային փոխանցում։

Հետևեք NEWS.am SPORT-ին Facebook-ում, Twitter և Telegram-ում


  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ