16:33  ,  16 հոկտեմբերի, 2021

Վահագն Դավթյանը՝ Տոկիոյից. Երրորդ օրն է փակված եմ սենյակում

Առողջական վիճակս գերազանց է: Այս մասին NEWS.am Sport-ի թղթակցի հետ զրույցում Տոկիոյից ասաց Եվրոպայի փոխչեմպիոն, Եվրոպական խաղերի չեմպիոն, Երեւանի քաղաքապետարանի սպորտի եւ երիտասարդության հարցերով բաժնի պետ Վահագն Դավթյանը:

Մարմնամարզիկը հոկտեմբերի 13-ին Հայաստանի թիմի հետ մեկնել է Ճապոնիա, որտեղ հոկտեմբերի 18-24-ն անցկացվելու է սպորտային մարմնամարզության աշխարհի առաջնությունը: Տոկիոյիում Վահագն Դավթյանի կորոնավիրուսի թեստի պատասխանը դրական է եկել: Նրան մեկուսացրել են:

«Ինքնազգացողությունս շատ լավ է: Արդեն երրորդ օրն է փակված եմ սենյակում: Դուրս չեմ գալիս: Տրամադրությանս մասին չեմ ցանկանում խոսել: Երեւանից մեկնելիս կորոնավիրուսի թեստ եմ հանձնել, պատասխանը բացասական էր»,- ասաց Վահագն Դավթյանը:

Նշենք, որ Հայաստանի թիմն արդեն Կիտակյուշու քաղաքում է: Վահագն Դավթյանին մեկուսացրել են Տոկիոյի հիվանդանոցներից մեկում: Հայաստանի հավաքականում են նաեւ Հարություն Մերդինյանը, Գագիկ Խաչիկյանը, մարզիչ Հայկ Նազարյանը, մրցավար Հակոբ Սերոբյանը:

Լուսինե Շահբազյան

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով

  • Լրահոս