10:39  ,  27 սեպտեմբերի, 2021

Էդուարդ Սպերցյանը՝ գեղեցիկ գոլի մասին

«Կրասնոդարի» ու Հայաստանի ազգային հավաքականի կիսապաշտպան Էդուարդ Սպերցյանը «Սոչիի» դեմ Ռուսաստանի առաջնության 9-րդ տուրի խաղում (3:0) գեղեցիկ գոլի հեղինակ դառնալուց հետո կիսվել է տպավորություններով:

«Հույզերն անչափ շատ են: Շատ լավ սկսեցինք խաղը, խփեցինք արագ գոլ: Հեռացում, հետո՝ ևս մեկը, արդեն շատ բարդ էր: Լավ է, որ կարողացանք գոլ խփել:

Ինչ վերաբերում է գոլիս, երբ Ջոն Կորդոբան գնդակը փոխանցեց ինձ, իմ ու Կաբելայի առջև մեկ պաշտպան կար, և ես որոշեցի վերցնել կենտրոնը, քանի որ նա կարծում էր, որ փոխանցում եմ կատարելու Ռեմիին: Այդ պատճառով միանգամից հարվածեցի ձախ ոտքով:

Ընդմիջմանը ստացանք հրահանգներ, որոնք կատարեցինք ու ամեն բան ստացվեց: Շատ չէինք փակվել սեփական դարպասի մոտ: Նույնիսկ 10 խաղացողներով արգեսիվ էինք գործում: Այդ պատճառով կարողացանք էլի գոլ խփել»,- 21-ամյա ֆուտբոլիստի խոսքը մեջբերում է «Կրասնոդարի» մամուլի ծառայությունը:

Ռուսաստանի ընթացիկ առաջնությունում Էդուարդ Սպերցյանը մասնակցել է 8 խաղի, դարձել 2 գոլի ու մեկ գոլային փոխանցման հեղինակ:

Հետևեք NEWS.am SPORT-ին Facebook-ում, Twitter և Telegram-ում