Իտալական «Ֆիորենտինան» հայտարարել է գլխավոր մարզիչի պաշտոնից Ջենարո Գատուզոյի հեռանալու մասին։ Մայիսի 25-ին կնքած պայմանագիրը կողմերը խզել են փոխադարձ համաձայնությամբ, հաղորդում է ակումբի մամուլի ծառայությունը։
Իտալացի մասնագետը «Ֆիորենտինան» գլխավորել էր մայիսի 25-ին եւ պարտականությունների կատարմանը պետք է անցնեն հուլիսի 1-ից։
Իտալական մամուլը գրում է, որ Գատուզոն ու «Ֆիորենտինան» համաձայնության չեն հասել տրանսֆերային քաղաքականության հարցում։ Իտալիայի անցած առաջնությունում «Ֆիորենտինան» գրավել է 13-րդ տեղը։
Հիշեցնենք, որ Գատուզոն «Նապոլիից» հեռացվել էր Իտալիայի առաջնության վերջին տուրում «Վերոնայի» հետ 1։1 խաղալուց եւ 5-րդ տեղ նահանջելուց հետո։ Նա «Ֆիորենտինայում» փոխարինել էր Ջուզեպե Յակինիին։
Գատուզոն նեապոլյան թիմը գլխավորել էր 2019թ. դեկտեմբերին։ 2020թ. հունիսին «Նապոլին» նվաճեց Իտալիայի գավաթը։ Ա Սերիայի ավարտված մրցաշրջանում «Նապոլին» 5-րդն էր եւ հաջորդ մրցաշրջանում հանդես կգա Եվրոպայի լիգայի խմբային մրցաշարում։
Հետևեք NEWS.am SPORT-ին Facebook-ում, Twitter և Telegram-ում