«ՍԿԱ Էներգիան» հաղթեց մոտիվացված լինելու շնորհիվ, հայտարարել է Խաբարովսկը ներկայացնող ակումբի գլխավոր մարզիչ Ալեքսանդր Գրիգորյանը Ռուսաստանի գավաթի խաղարկության 1/16 եզրափակիչում «Ամկարին» հաղթելուց հետո:
«Երկու թիմերն էլ լավ ֆուտբոլ ցուցադրեցին, սակայն «ՍԿԱ Էներգիան» հաղթեց մոտիվացված լինելու շնորհիվ: Այս խաղի ամենաբացասական երեւույթը լրացուցիչ ժամանակն էր: Դժվար է խաղալ այսպիսի խաղադաշտում 120 րոպե: Մենք ավելի տրամադրված էինք դուրս եկել խաղադաշտ»,- Գրիգորյանի խոսքը մեջբերում է championat.com-ը:
Հիշեցնենք, որ «ՍԿԱ Էներգիա» - «Ամկար» հանդիպման 7-րդ րոպեին հաշիվը բացել էր Հայաստանի ազգային հավաքականի պաշտպան Ռոբերտ Արզումանյանը:
Հետևեք NEWS.am SPORT-ին Facebook-ում, Twitter և Telegram-ում