Անգլիական «Մանչեսթեր Յունայթեդը» մտադիր է ընթացիկ տրանսֆերային պատուհանի ընթացքում ուժեղացնել թիմի կիսապաշտպանությունը, տեղեկացնում է The Telegraph-ը:
«Բորուսիայի» կիսապաշտպան Ջեյդոն Սանչոյի տեղափոխության հարցում համաձայնության չգալուց հետո «Մանչեսթեր Յունայթեդի» ուշադրության կենտրոնում են հայտնվել «Ռեալի» կիսապաշտպան Գարեթ Բեյլը, «Յուվենտուսի» կիսապաշտպան Դուգլաս Կոստան և «Ինտերի» կիսապաշտպան Իվան Պերիշիչը:
Նշվում է, որ նորվեգացի Ուլե-Գունար Սուլշերի գլխավորած թիմի համար որպես առաջնահերթ տարբերակ քննարկվում է Գարեթ Բեյլի տեղափոխությունը:
Հիշեցնենք, որ «Մանչեսթեր Յունայթեդը» չկարողացավ համաձայնության գալ «Բորուսիայի» հետ, քանի որ դորտմունդյան ակումբը Ջեյդոն Սանչոյի տեղափոխության դիմաց պահանջում էր 120 միլիոն եվրո:
Հետևեք NEWS.am SPORT-ին Facebook-ում, Twitter և Telegram-ում