ՈւԵՖԱ-ի ներկայացուցիչը A Bola-ի հետ զրույցում հերքել է այն տեղեկությունը, ըստ որի՝ կազմակերպությունը քննարկելու է կորոնավիրուսի պանդեմիայի պատճառով ազգային առաջնությունների դադարեցման և հնարավոր չվերսկսումից հետո չեմպիոնների որոշման կարգը:
«ՈւԵՖԱ-ն որևէ իրավունք չունի դադարեցնել ազգային առաջնությունները կամ որոշել այդ առաջնությունների չեմպիոններին:
Առաջնությունները դադարեցնելու և չեմպիոններին որոշելու կարգը կարող են սահմանել միայն տվյալ երկրների ֆուտբոլի ֆեդերացիաների ղեկավարները»,- ասել է ՈւԵՖԱ-ի պաշտոնյան:
Հիշեցնենք, որ կորոնավիրուսի պանդեմիայի պատճառով եվրոպական բոլոր երկրներում դադարեցված են ֆուտբոլային առաջնությունները:
Հետևեք NEWS.am SPORT-ին Facebook-ում, Twitter և Telegram-ում