Ռոդրիգո․ Երազանքներս դառնում են իրականություն

Մադրիդի «Ռեալի» բրազիլացի հարձակվող Ռոդրիգոն մեկնաբանել է Չեմպիոնների լիգայի խմբային մրցաշարի չորրորդ տուրի խաղում իր հեթ-տրիկը։ Արքայական թիմը 6։0 հաշվով հաղթել էր թուրքական «Գալաթասարային»։

«Երբ խփեցի երրորդ գոլս, հասկացա, որ իդեալական հեթ-տրիկ էր։ Երեք գոլերն էլ տարբեր ստացվեցին՝ ձախ եւ ոջ ոտքով, գլխի հարվածով։ Երբ խաղում ես Բենզեմայի հետ, ամեն ինչ ավելի հեշտ է ստացվում։ Շատ ուրախ եմ, որ նրա թիմակիցն եմ։

Անչափ ուրախ եմ այս ամենին։ Երազանքներս դառնում են իրականություն։ Սպասվածից արագ է ստացվում առաջընթացս, բայց շարունակում եմ տրամադրված մնալ ծանր աշխատանքի»,- Ռոդրիգոյի խոսքը մեջբերում է ՈւԵՖԱ-ի մամուլի ծառայությունը։

Ռոդրիգոն դարձել է Չեմպիոնների լիգայի պատմության մեջ ամենաարագ դուբլի հեղինակը։ Նա երկու գոլերը խփել է 6 րոպե 4 վայրկյանում։ Ռոդրիգոն դարձել է նաեւ Չեմպիոնների լիգայում գոլ խփած ամենաերիտասարդ բրազիլացի ֆուտբոլիստը՝ 18 տարեկան եւ 301 օրական։ Նա երկրորդ ամենաերիտասարդ ֆուտբոլիստն է պատմության մեջ, որը հեթ-տրիկի հեղինակ է դառնում Չեմպիոնների լիգայում։ Առաջին տեղում է Արքայական թիմի նախկին աստղ Ռաուլ Գոնսալեսը, որը 1995-ին երեք գոլ է խփել «Ֆերենցվարոշին» 18 տարեկան 113 օրականում։

Չեմպիոնների լիգա, խմբային փուլ, չորրորդ տուր

A խումբ

«Ռեալ» (Իսպանիա) - «Գալաթասարայ» (Թուրքիա)` 6:0 (տեսանյութ)

Ռոդրիգո, 4, 7, 90, Սերխիո Ռամոս, 14 (11մ.), Քարիմ Բենզեմա, 45, 81

Հետևեք NEWS.am SPORT-ին Facebook-ում, Twitter և Telegram-ում