21:51  ,  15 հոկտեմբերի, 2019

Հայաստանի հավաքականը պարտվեց Ֆինլանդիայում

Ֆուտբոլի Եվրոպայի առաջնության ընտրական մրցաշարի 8-րդ տուրում Հայաստանի ազգային հավաքականը Տուրկու քաղաքի «Վերիտաս» ստադիոնում հյուրընկալվեց Ֆինլանդիային:

Արմեն Գյուլբուդաղյանցի գլխավորած թիմը պարտություն կրեց 0:3 հաշվով:

Խաղի հաշիվը 19-րդ րոպեին բացեց Ֆինլանդիայի հավաքականի հարձակվող Ֆրեդրիկ Յենսենը: Իր թիմի առավելությունը 61-րդ րոպեին կրկնապատկեց Տեմու Պուկին, որը 88-րդ րոպեին դուբլ ձևակերպեց:

Հայաստանի հավաքականն այժմ 10 միավորով երրորդ տեղում է և 11 միավորով հետ է առաջատար Իտալիայից, 5 միավորով՝ երկրորդ տեղը զբաղեցնող Ֆինլանդիայից:

Հայաստանի հավաքականն ընտրական փուլի 9-րդ տուրում նոյեմբերի 15-ին տնային խաղում կմրցի Հունաստանի հետ: Վերջին՝ 10-րդ տուրում, Հայաստանի հավաքականը նոյեմբերի 18-ին արտագնա հանդիպում կանցկացնի Իտալիայի հավաքականի հետ:

Եվրո-2020, J խումբ, 8-րդ տուր

Ֆինլանդիա - Հայաստան՝ 3:0

Ֆրեդրիկ Յենսեն, 19, Տեմու Պուկի, 61, 88

Image may contain: 11 people

Հետևեք NEWS.am SPORT-ին Facebook-ում, Twitter և Telegram-ում