Պոգբայի վերադարձը խաղադաշտ սպասվում է «Լիվերպուլի» դեմ խաղում

«Մանչեսթեր Յունայթեդի» եւ աշխարհի չեմպիոն Ֆրանսիայի հավաքականի կիսապաշտպան Պոլ Պոգբան շարունակում է վերականգնվել վնասվածքից հետո։ Նրա վերադարձը խաղադաշտ սպասվում է Անգլիայի առաջնության 9-րդ տուրում, գրում է mirror.co.uk-ը։ Նորվեգացի Ուլե-Գունար Սուլշերի գլխավորած թիմը հոկտեմբերի 20-ին կընդունի առաջատար «Լիվերպուլին»։

Պոգբան ոտնաթաթի վնասվածք էր ստացել «Արսենալի» հետ խաղում (1։1)։

«Մանչեսթեր Յունայթեդը» 8 խաղից հետո 9 միավորով 12-րդ տեղում է։ «Լիվերպուլը» տարել է 8 հաղթանակ։

Անգլիայի ընթացիկ առաջնությունում Պոգբան մասնակցել է 5 հանդիպման, կատարել 2 գոլային փոխանցում։

Հետևեք NEWS.am SPORT-ին Facebook-ում, Twitter և Telegram-ում