Պարտությունը մնում է պարտություն, սակայն սա այն պարտությունը չէ, որից հետո կարելի է զենքերը վայր դնել: Այս մասին Չեմպիոնների լիգայի որակավորման երկրորդ փուլի «Ուլիս» - «Շերիֆ» (0։1) խաղից հետո հայտարարել է Հայաստանի չեմպիոնի գլխավոր մարզիչ Սեւադա Արզումանյանը:
«Առաջին խաղակեսն անհամեմատ ավելի հաջող ստացվեց մեր թիմի մոտ: Կարողացանք մի քանի իրական գոլային պահեր ստեղծել մրցակցի դարպասի համար: Երկրորդ խաղակեսում որոշ բաներ չէին ստացվում: Մասնավորապես, անհաջող էինք իրացնում ստանդարտները, իսկ երկար փոխանցումները չէին ստացվում: Իհարկե, պարտությունը մնում է պարտություն, սակայն սա այն պարտությունը չէ, որից հետո կարելի է զենքերը վայր դնել: Կփորձենք պատասխան խաղում էլ մենք հաղթանակի հասնել»,- նշեց Սեւադա Արզումանյանը:
Հիշեցնենք, որ Երեւանի Հանրապետական ստադիոնում կայացած խաղում Մոլդովայի 11-ակի չեմպիոնը հաղթեց նվազագույն հաշվով: Պատասխան հանդիպումը կկայանա հուլիսի 24-ին Տիրասպոլի «Շերիֆ» ստադիոնում:
Հետևեք NEWS.am SPORT-ին Facebook-ում, Twitter և Telegram-ում
17:57 , 28 ապրիլի 
16:27 , 28 ապրիլի 
16:02 , 28 ապրիլի 
15:04 , 28 ապրիլի 
13:23 , 28 ապրիլի 
12:06 , 28 ապրիլի 
11:17 , 28 ապրիլի 
10:05 , 28 ապրիլի 
09:02 , 28 ապրիլի 
03:31 , 28 ապրիլի 
