ՖԻՖԱ-ի նախկին նախագահ, 96-ամյա Ժոաո Ավելանժը եւ Բրազիլիայի ֆուտբոլի կոնֆեդերացիայի նախագահ, ՖԻՖԱ-ի գործկոմի նախկին անդամ, 64-ամյա Ռիկարդո Տեյշերան ժամանակին ստացել են մի քանի միլիոն ֆունտ ստերլինգի կաշառք: Այդ մասին գրված է հուլիսի 11-ին Շվեյցարիայի Գերագույն դատարանի հրապարակած փաստաթղթում:
Կաշառք տվողը եղել է ISMM/ISL մարկետինգային ընկերությունը, որին պատկանում էր ֆուտբոլի աշխարհի առաջնության հանդիպումների հեռուստատեսային հեռարձակումների իրավունքը: Ավելանժը ստացել է 8,37 միլիոն ֆունտ ստերլինգ, Տեյշերան` 1 միլիոն ֆունտ ստերլինգ, հաղորդում է BBC-ն:
Նշենք, որ Ավելանժը գլխավորել է ՖԻՖԱ-ն 1974-1998 թվականերին, իսկ 1998-ից ՖԻՖԱ-ի պատվավոր նախագահն է:
Հետևեք NEWS.am SPORT-ին Facebook-ում, Twitter և Telegram-ում