Դիդյե Դեշամը՝ Ֆրանսիայի հավաքականի գլխավոր մարզիչ

43-ամյա մասնագետ Դիդյե Դեշամը հուլիսի 9-ին պաշտոնապես կզբաղեցնի ֆուտբոլի Ֆրանսիայի ազգային հավաքականի գլխավոր մարզիչի թափուր պաշտոնը, գրում է L'Equipe-ը:

Ֆրանսիացի մարզիչը Ֆրանսիայի ֆուտբոլի Ֆեդերացիայի (ՖՖՖ) հետ կկնքի երկու տարվա պայմանագիր, որը կարող է երկարաձգվել եւս երկու տարով: Այդ մասին ՖՖՖ-ն պաշտոնապես կհայտարարի հուլիսի 9-ին կայանալիք մամուլի ասուլիսում:  

Ֆրանսիայի հավաքականի գլխավոր մարզիչի պաշտոնում Դիդյե Դեշամը կփոխարինի իր նախկին թիմակից Լորան Բլանին, ով հեռացել էր զբաղեցրած պաշտոնից Եվրո-2012-ից հետո: Մարզչական կարիերայի ընթացքում Դեշամն աշխատել է ֆրանսիական «Մոնակոյում», Թուրինի «Յուվենտուսում» եւ Մարսելի «Օլիմպիկում»:

Հետևեք NEWS.am SPORT-ին Facebook-ում, Twitter և Telegram-ում