Լեգենդար Զինեդին Զիդանը` Դիդյե Դեշամի եւ Պոլ լը Գուենի հետ միասին համարվում է Ֆրանսիայի հավաքականի գլխավոր մարզիչի հավանական թեկնածու, հաղորդում է Le Figaro պարբերականը` հղում անելով L'Equipe-ին:
Le Figaro-ն նշում է, որ զգացմունքայնության տեսանկյունից նման նշանակումը լիովին տրամաբանական է: Իր հերթին Զիդանը չի թաքցնում թափուր տեղը զբաղեցնելու ցանկությունը:
«10 տարի առաջ ես չէի ցանկանում մարզիչ դառնալ, սակայն այսօր ես գնում եմ այդ ուղղությամբ: Տեսնենք»,- ասել է նա:
Ըստ երեւույթին, Ֆրանսիայի ֆուտբոլի ֆեդերացիայի (ՖՖՖ) նախագահը կիսում է լեգենդար ֆուտբոլիստի տեսակետը:
«Հիանալի եմ համարում, որ Զիդանը հրապարակավ խոսում է իր ցանկության մասին: Դա շատ ուրախալի լուր է: Զիդանը Ժոզե Մուուրինյոյի հետ համատեղ աշխատում է մադրիդյան «Ռեալում», դա շատ լավ դպրոց է»,- նշել է Լե Գրեն:
Կգնա՞ Ֆեդերացիան նման ռիսկի, դեռ պարզ չէ: Մեծ ցանկություն ունենալը, իհարկե գովելի է, սակայն, շարունակում է Le Figaro-ն, դա կարող է քիչ լինել, քանի որ Զիդանը ինքնուրույն մարզչական փորձ չունի:
Իրավիճակը դեռ պարզ չէ, արդյունքներ կարելի է ակնկալել մոտ մեկ շաբաթից, եզրափակել է Le Figaro-ն:
Հետևեք NEWS.am SPORT-ին Facebook-ում, Twitter և Telegram-ում