Ֆուտբոլի Իտալիայի ազգային հավաքականի պաշտպան Ջորջիո Կյելինիի վնասվածքի համար ՈւԵՖԱ-ն Թուրինի «Յուվենտուսին» կվճարի 420 հազար եվրո փոխհատուցում, տեղեկացնում է Football-Italia-ն:
27-ամյա պաշտպանը մկանային վնասվածք է ստացել Կիեւի «Օլիմպիական» ստադիոնում կայացած Եվրո-2012-ի եզրափակիչ Իսպանիա – Իտալիա (4:0) հանդիպման ժամանակ:
Հիշեցնենք, որ Եվրոպական ակումբների ասոցիացիան ու ՈւԵՖԱ-ն պարտավորվել են Եվրո-2012-ում վնասվածք ստացած ֆուտբոլիստների աշխատավարձի չափով փոխհատուցում վճարել ակումբներին:
Հետևեք NEWS.am SPORT-ին Facebook-ում, Twitter և Telegram-ում