Դորտմունդի «Բորուսիայի» գաբոնցի հարձակվող Պյեր-Էմերիկ Օբամեյանգն ընդունելի չի համարում նախկին թիմակից, Հայաստանի հավաքականի կիսապաշտպան Հենրիխ Մխիթարյանի տեղափոխության բանակցությունների ոճը:
«Մարդիկ պետք է համարձակ նայեն միմյանց աչքերի մեջ նաեւ գործարքի ավարտից հետո: Խնդիրն այն է, թե ինչ մեթոդներով է իրականացվում տրանսֆերը: Մխիթարյանի տեղափոխության ժամանակ եղան տարբեր արտահոսքեր, որոնք ոչ ոչ չի հավանում: Ես բաց եւ ազնիվ մարդ եմ: Խոստանում եմ, որ եթե մի օր ընթանան իմ տեղափոխության բանակցությունները, ամեն ինչ հարթ կլինի»,- Օբամեյանգի խոսքը մեջբերում է Express-ը:
Հիշեցնենք, որ «Բորուսիան» չէր ցանկանում վաճառել Մխիթարյանին «Մանչեսթեր Յունայթեդին»: Երկարատեւ եւ լարված բանակցություններից հետո միայն 27-ամյա ֆուտբոլիստի գործակալ Մինո Ռայոլան հասավ հաջողության:
Հետևեք NEWS.am SPORT-ին Facebook-ում, Twitter և Telegram-ում