«Բարսելոնայի» ֆուտբոլիստը կդատապարտվի մեկ տարվա ազատազրկման պայմանական

Հարկերից խուսափելու մեջ մեղադրվող Խավյեր Մասկերանոն համաձայնել է գործարքի արդարադատության հետ եւ կդատապարտվի մեկ տարվա ազատազրկման պայմանական, հաղորդում է Marca-ն: «Բարսելոնայի» արգենտինացի պաշտպանը կվճարի նաեւ 816 հազար եվրո տուգանք:

Իսպանական օրենսդրությմաբ՝ եթե նախկինում դատվածություն չունեցող անձը դատապարտվում է երկու տարուց պակաս ազատազրկման, ապա պատժաժամկետը համարվում է պայմանական:

Մասկերանոն խոստովանել էր, որ հարկային խարդախությունների միջոցով խուսափել է 1.5 միլիոն եվրո հարկերից: 2011-2012 թվականներին Մասկերանոն իշխանություններից թաքցրել է ԱՄՆ-ում եւ Պորտուգալիայում իր կերպարի օգտագործման իրավունքից ստացած եկամուտները:

Սեպտեմբերին Մասկերանոն վճարել է 1.5 միլիոն եվրոն, նաեւ 200 հազար եվրո տոկոսներ:

Հետևեք NEWS.am SPORT-ին Facebook-ում, Twitter և Telegram-ում