Whoscored.com-ը ներկայացրել է Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանի վիճակագրությունը ռուսական «Կրասնոդարի» դեմ Եվրոպայի լիգայի խմբային մրցաշարի 5-րդ տուրի խաղում:
Մխիթարյանը մեկ հարված է կատարել դարպասին, մեկ հարված էլ՝ դարպասի ուղղությամբ: Հայ ֆուտբոլիստը կատարել է 39 փոխանցում՝ 74.4 տոկոս ճշգրտությամբ: 26-ամյա ֆուտբոլիստը երկու անգամ հաղթող է եղել օդային պայքարում, երկու անգամ խլել է գնդակը:
Մխիթարյանը մեկ անգամ է խախտել կանոնները, նրա դեմ պայքարում կանոնները խախտել են երկու անգամ:
Մխիթարյանը ստացել է 7.46 գնահատականը, որը երկրորդն է «Բորուսիայում»: Ամենաբարձր գնահատականը ստացել է Իլկայ Գյունդոգանը՝ 7.53:
Հիշեցնենք, որ Թոմաս Տուխելի գլխավորած թիմը պարտվել է 0:1 հաշվով, Մխիթարյանն անցկացրել է ամբողջ հանդիպումը:
Հետևեք NEWS.am SPORT-ին Facebook-ում, Twitter և Telegram-ում