Ծաղկաձորում մեկնարկած շախմատի աշխարհի թիմային առաջնությունում ապրիլի 20-ին կանցկացվի երկրորդ տուրը:
Անհաջող մեկնարկած Հայաստանի հավաքականը կհանդիպի ուկրաինացիներին, որոնք առաջին տուրում 2.5:1.5 հաշվով հաղթել էին Ռուսաստանի թիմին: Առաջին եւ երրորդ խաղատախտակների վրա Հայաստանի շախմատիստները հանդես կգան սպիտակներով:
Հիշեցնենք, որ հայ գրոսմայստերները մեկնարկել էին Իսրայելի թիմից 1.5:2.5 հաշվով կրած պարտությամբ: Երկրորդ տուրի պարտիաները կմեկնարկեն ժամը 15:00-ին:
Կանանց Հայաստանի հավաքականը Չինաստանի Չենդու քաղաքում անցկացվող աշխարհի թիմային առաջնության երկրորդ տուրում կհանդիպի ռուսներին:
Աշխարհի առաջնություն, երկրորդ տուր
Հայաստան – Ուկրաինա
Ռուսաստան – Կուբա
Հունգարիա – Չինաստան
Հնդկաստան – ԱՄՆ
Եգիպտոս – Իսրայել
Հետևեք NEWS.am SPORT-ին Facebook-ում, Twitter և Telegram-ում