Հունահռոմեական ոճի ըմբշամարտի Հայաստանի հավաքականի գլխավոր մարզիչ Լեւոն Ջուլֆալակյանն Արթուր Ալեքսանյանի չեմպիոնական տիտղոսից հետո կիսվել է տպավորություններով:
«Սա մեր ազգի ուրախությունն է: Նման հաջողություն վաղուց չէր եղել Հայաստանում: 2 ոսկե մեդալով ենք վերադառնում առաջնությունից: Ցավոք, վնասվածքը խանգարեց Վարշամ Բորանյանին, այլապես կնվաճեինք 3 ոսկե մեդալ: Հուսանք՝ կկարողանանք շարունակել նույն ոգով:
Մեր նպատակն օլիմպիական ոսկե մեդալներն են: Տղաները պատրաստվում են Ռիո-2016-ին: Վերջին տարիներին հաղթանակը միշտ մոտ էր լինում, սակայն ինչ-որ բան խանգարում էր: Շնորհավորում եմ հայ ժողովրդին այս հաղթանակի համար»,- Առաջին ալիքի եթերում ասաց օլիմպիական չեմպիոն Լեւոն Ջուլֆալակյանը:
Հիշեցնենք, որ Ուզբեկստանի մայրաքաղաք Տաշքենդում ավարտված աշխարհի 2014թ. առաջնության եզրափակիչում 98 կգ քաշային Արթուր Ալեքսանյանի 55 վայրկանում 8:0 հաշվով հաղթեց գերմանացի Օլիվեր Հասլերին:
Հետևեք NEWS.am SPORT-ին Facebook-ում, Twitter և Telegram-ում