Օլիմպիական խաղերի վեցակի չեմպիոն, 100 եւ 200 մետր վազքերի աշխարհի ռեկորդակիր Ուսեյ Բոլթը աթլետի կարիերան ավարտելուց հետո կփորձի խաղալ «Մանչեսթեր Յունայթեդում», հաղորդում է Championat-ը:
«Ես դեռ շարունակում եմ երազել «Մանչեսթեր Յունայթեդի» ֆուտբոլիստ դառնալու մասին, հատկապես հիմա, երբ թիմը գլխավորել է Լուի վան Գալը: Կարիերաս ավարտելուց հետո ես կփորձեմ ուժերս ֆուտբոլում եւ կձգտեմ հանդես գալ «Մանչեսթեր Յունայթեդում»: Դա իմ ամենամեծ երազանքն է»,- ասել է Ուսեյն Բոլթը:
Աշխարհի ամենաարագ մարդը մի քանի անգամ եղել է «Մանչեսթեր Յունայթեդի» մարզաբազայում եւ «Օլդ Տրաֆորդ» ստադիոնում:
Հետևեք NEWS.am SPORT-ին Facebook-ում, Twitter և Telegram-ում