Ֆուտբոլի Իսպանիայի գավաթի խաղարկության եզրափակիչում Մադրիդի «Ռեալը» 2։1 հաշվով հաղթել է կատալոնական «Բարսելոնային»՝ նվաճելով մրցաշրջանի առաջին տիտղոսը։
Հանդիպումից հետո եվրոպական մի շարք պարբերականների շապիկին եղել է «Էլ Կլասիկոյի» թեման, փոխանցում է Marca-ն։
Իսպանական Mundo Deportivo-ի տիտղոսաէջին գրված էր «Դարպասաձող» եւ պատկերված «Բարսելոնայի» եւ Բրազիլիայի հավաքականի հարձակվող Նեյմարի լուսանկարը, որտեղ նա արտասվում է։
Sport.es-ը նշել է, որ այս ժամանակաշրջանն ավարտված է կատալոնացիների համար։ Շապիկին տեղադրված էր տխուր Լիոնել Մեսիի լուսանկարը։
Sportyou.es-ը հաղթանակ գոլի հեղինակ դարձած ուելսցի կիսապաշտպան Գարեթ Բեյլին անվանել էր Ուսեյն Բեյլ։
Հետևեք NEWS.am SPORT-ին Facebook-ում, Twitter և Telegram-ում