Չեռնոգորիայի Պիվելի քաղաքի «Ռուդար» ֆուտբոլային ակումբի 47-ամյա փոխնախագահ Ռադմիլո Միտրովիչը սպանվել է ապրիլի 29-ին երկրի մայրաքաղաք Պոդգորիցայում, հաղորդում է «РИА «Новости»-ն:
Ոստիկանների խոսքով՝ սպանության կասկածյալը ձերբակալվել է: Սկսվել է հետաքննություն: Դեպքը տեղի է ունեցել Զագորիչ թաղամասում: Սպանության դրդապատճառները դեռեւս հայտնի չեն:
Որոշ տեղեկությունների համաձայն՝ Միտրովիչին սպանել է 19-ամյա Մարիա Միլիչը՝ դանակի հարվածով: Փոխնախագահը տեղափոխվել է հիվանդանոց, սակայն ժամեր անց մահացել է:
Ռադմիլո Միտրովիչը ծնվել էր 1965 թվականի փետրվարի 9-ին: Նա համարվում էր երկրի լավագույն ֆուտբոլիստներից մեկը: Միտրովիչը մի քանի անգամ դարձել է երկրի չեմպիոն: Երկար տարիներ ապրել եւ աշխատել է Ֆրանսիայում:
Հետևեք NEWS.am SPORT-ին Facebook-ում, Twitter և Telegram-ում