Bentornato, Leandro! #ASRoma pic.twitter.com/6UUNBbn8xe
— AS Roma (@OfficialASRoma) August 16, 2023
Աշխարհի չեմպիոն Արգենտինայի հավաքականի 29-ամյա կիսապաշտպան Լեանդրո Պարեդեսը վերադարձավ «Ռոմա»։ Նրա նախորդ ակումբը Ֆրանսիայի չեմպիոն ՊՍԺ-ն էր։ Պարեդեսը երկու տարվա պայմանագիր է կնքել հռոմեական ակումբի հետ։
«Հռոմ վերադառնալը միշտ հուզիչ է, «Ռոմայի» խաղաշապիկով հանդես գալը՝ առավել եւս։ Շնորհակալ եմ ակումբին ինձ վերադարձնելու համար։ Այս ակումբը մեկնարկ է տվել իմ եվրոպական կարիերային»,- Պարեդեսի խոսքը մեջբերում է «Ռոմայի» կայքը։
Պարեդեսը առաջին անգամ «Ռոմայում» հանդես է եկել 2014-2017 թվականներին։ Այնուհետեւ հանդես է եկել Սանկտ Պետերբուրգի «Զենիթում», Թուրինի «Յուվենտուսում» եւ ՊՍԺ-ում։
Հետևեք NEWS.am SPORT-ին Facebook-ում, Twitter և Telegram-ում