Իսպանիայի չեմպիոն «Բարսելոնան» եւ Թուրինի «Յուվենտուսը» համաձայնության են հասել կոտդիվուարցի կիսապաշտպան Ֆրանկ Կեսիեի տեղափոխության հարցում, հաղորդում է AS-ը։
Այժմ թուրինյան ակումբը կբանակցի Կեսիեի հետ, որը պետք է մեկ մրցաշրջան վարձակալությամբ խաղա «Յուվենտուսում»։ Հաջորդ ամռանը իտալական ակումբը հնարավորություն կունենա 15 միլիոն եվրոյով գնել նրա տրանսֆերը։
Կեսիեն անցած ամռանն է իտալական «Միլանից» հեռանալուց հետո ազատ գործակալի կարգավիճակում միացել իսպանացի Չավիի գլխավորած թիմին, սակայն չի դարձել մեկնարկային կազմի մշտական խաղացող։
Ավարտված մրցաշրջանում Կեսիեն «Բարսելոնայի» հետ բոլոր մրցաշարերում մասնակցել է 43 հանդիպման, խփել է 3 գոլ, կատարել 3 գոլային փոխանցում։
Transfermarkt-ը Կեսիեի տրանսֆերային արժեքը գնահատում է 28 միլիոն եվրո։
Հետևեք NEWS.am SPORT-ին Facebook-ում, Twitter և Telegram-ում