Հունգարիայի հավաքականի կիսապաշտպան Դոմինիկ Սոբոսլաին գերմանական «ՌԲ Լայպցիգից» տեղափոխվեց «Լիվերպուլ», հաղորդում է անգլիական ակումբի մամուլի ծառայությունը։
Պայմանագիրը նախատեսված է մինչեւ 2028թ․ հունիս։ Նա հանդես կգա 8 համարի խաղաշապիկով։
Ավելի վաղ հայտնի էր դարձել, որ լիվերպուլյան ակումբը 22-ամյա ֆուտբոլիստի տրանսֆերի համար կվճարի 70 միլիոն եվրո։
Ավարտված մրցաշրջանում Սոբոսլաին «ՌԲ Լայպցիգի» հետ բոլոր մրցաշարերում մասնակցել է 46 հանդիպման, խփել է 10 գոլ, կատարել 13 գոլային փոխանցում։
Հետևեք NEWS.am SPORT-ին Facebook-ում, Twitter և Telegram-ում