Ֆուտբոլի Ֆրանսիայի առաջնության 28-րդ տուրում մրցաշարային աղյուսակը գլխավորող «Պարի Սեն Ժերմենը» մրցակցի խաղադաշտում ոչ ոքի խաղաց «Կանի» հետ՝ 2:2: Ընդ որում, Կարլո Անչելոտիի սաները կարողացան պարտությունից խուսափել միայն հանդիպման ավելացված ժամանակում:
Չեմպիոնության համար պայքարող «Մոնպելյեն» հյուրընկալվելիս նվազագույն հաշվով պարտվեց «Նանսիին»: Հաղթական գոլը հեղինակեց բրազիլացի պաշտպան Անդրե Լուիսը:
«Լիոնը» ֆրանսիացի հարձակվող Բաֆետիմբի Գոմիսի խփած գնդակի շնորհիվ նվազագույն հաշվով հաղթեց «Սենտ Էտյենին», իսկ «Մարսելը» սեփական խաղադաշտում զիջեց «Դիժոնին»՝ 1:2:
Առաջին տեղում գտնվող «ՊՍԺ»-ն ունի 59 միավոր: «Մոնպելյեն» 57 միավորով երկրորդն է: «Լիոնը» 46 միավորով չորրորդն է, իսկ «Մարսելը» 39 միավորով՝ 9-րդը:
Ֆրանսիայի առաջնություն. 28-րդ տուր
«Կան» - «ՊՍԺ»՝ 2:2
Ֆրո, 53, Էրտո, 71 – Պաստորե, 59, Ժիլե, 90
«Մարսել» - «Դիժոն»՝ 1:2
Ռեմի, 12 (11մ.), - Սանկարե, 24, Կակուտա, 79 (11մ.)
«Նանսի» - «Մոնպելյե»՝ 1:0
Անդրե Լուիս, 63 (11մ.)
«Լորյան» - «Բրեստ»՝ 2:1
Մանգա, 52, Մոնե Պիկե, 87 – Բեն Բասատ, 11
«Բորդո» - «Այաչո»՝ 1:1
Դիաբատե, 70 – Պուլար, 90
«Օսեր» - «Էվիան»՝ 0:2
Կալեներգ, 8, Բերիգո, 90
«Սենտ Էտյեն» – «Լիոն»՝ 0:1
Գոմիս, 81
Հետևեք NEWS.am SPORT-ին Facebook-ում, Twitter և Telegram-ում