23:30  +04,  20 մայիսի, 2019

ՀԲՖ․ Հարգելի պաշտոնյաներ Ձեզ հեռու պահեք բռնցքամարտից

Հայաստանի բռնցքամարտի ֆեդերացիան տարածել է հայտարարություն։

«Այսօր սպորտի եւ երիտասարդության հարցերի նախարար Գ.Ղազարյանը հրավիրել էր խորհրդակցության ազգային հավաքականի գլխավոր մարզիչ Ռուդիկ Մկրտչյանին եւ երիտասարդների հավաքականի ավագ մարզիչ Կարեն Աղամալյանին, որտեղ ներկա էր Հրաչյա Ռոստոմյանը։

Մեր մարզիչներին Ռոստոմյանը հորդորել է, որպեսզի Եվրոպական խաղերի մասնակցող թիմի մեջ ներառենք բռնցքամարտիկների, որոնք ազգային հավաքականի անդամ չեն եւ առնվազն վերջին 2 տարին չեն մասնակցել ոչ մի լուրջ մրցաշար ի եւ արդյունքներ չեն գրանցել։

Իրենց կամքը չկատարելու դեպքում խոստացել են չֆինանսավորել մեր մարզիկներին, որպեսզի նրանք մասնակցեն Եվրոպական խաղերին։ Սա ակնհայտ պաշտոնական դիրքի չարահաշում է։

Հարգելի պաշտոնյաներ Ձեզ հեռու պահեք բռնցքամարտից եւ մի փորձեք միջամտել մարզիչների աշխատանքին»,- ասվում է հայտարարությունում։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ