19:09  +04,  17 մայիսի, 2019

Կասիլյաս. Ֆուտբոլից հեռանալուս օրը կգա, բայց առայժմ ամեն ինչ խաղաղ է

«Պորտուի» իսպանացի դարպասապահ Իկեր Կասիլյասը չի հաստատել լուրերը, թե որոշել է ավարտել կարիերան։ Լեգենդար խաղացողը սրտամկանի կաթվածից եւ ստենտավորումից հետո վեց ամիս չի կարողանա դուրս գալ խաղադաշտ։

«Ֆուտբոլից հեռանալուս օրը կգա, բայց թույլ տվեք, որ ինքս հայտնեմ այդ նորությունը, երբ գա ժամանակը։ Իսկ առայժմ ամեն ինչ խաղաղ է։ Երեկ ստուգվել եմ բժիշկ Ֆիլիպե Մասեդուի մոտ, ամեն ինչ շատ լավ է։ Այս հրաշալի նորությամբ է ցանկանում կիսվել ձեզ հետ»,– Թվիթերում գրել է Կասիլյասը։

Ֆուտբոլիստը դեռ մեկ տարվա պայմանագիր ունի «Պորտուի» հետ։ Իսպանական մամուլը գրել էր, որ Կասիլյասի վերադարձը խաղադաշտ քիչ հավանական է։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: