10:08  ,  4 մայիսի, 2019

«Բարսելոնայի» հայտացուցակն՝ առանց առաջատարների (ֆոտո)

Իսպանիայի չեմպիոնի տիտղոսը ժամանակից շուտ ապահոված «Բարսելոնայի» գլխավոր մարզիչ Էռնեստո Վալվերդեն ներկայացրել է թիմի հայտացուցակը Վիգոյի «Սելտայի» հետ Պրիմերայի 36-րդ տուրի արտագնա խաղում:

Իսպանացի մասնագետը հանգստանալու հնարավորություն է տվել Լիոնել Մեսիին, Լուիս Սուարեսին, Ժերար Պիկեին, Ժորդի Ալբային, Սերխի Ռոբերտոյին եւ Մարկ-Անդրե տեր Շտեգենին: Սերխիո Բուսկետսը եւ Իվան Ռակիտիչը հանդիպումը բաց կթողնեն որակազրկման պատճառով, փոխանցում է «Բարսելոնայի» կայքը:

«Սելտա» - «Բարսելոնա» խաղը տեղի կունենա մայիսի 4-ին՝ Երեւանի ժամանակով 22:45-ին:

Մայիսի 7-ին կատալոնական ակումբը Չեմպիոնների լիգայի կիսաեզրափակիչի պատասխան հանդիպում է անցկացնելու անգլիական «Լիվերպուլի» հետ, որին առաջին խաղում հաղթել է 3:0 հաշվով:

Հետևեք NEWS.am SPORT-ին Facebook-ում, Twitter և Telegram-ում