Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան պարզաբանել է, թե ինչու Եվրոպայի տասնամյակի լավագույն թիմերի եռյակում չի ընդգրկել Մադրիդի «Ռեալը»: «Բարսելոնայի» նախկին մարզիչը նշել էր «Բավարիան», «Յուվենտուսը» եւ «Բարսելոնան»:
«Արքայական թիմի երկրպագուներն ասում են, որ իրենց թիմն է լավագույնը Եվրոպայում: Բայց «Ռեալը» տասնամյակի լավագույն թիմը չէ Եվրոպայում, եթե հաշվենք ազգային տիտղոսները: «Յուվենտուսը», «Բարսելոնան» եւ «Բավարիան» ազգային առաջնություններում հաղթել են վեց կամ յոթ անգան, իսկ «Ռեալը»՝ երկու անգամ:
Վստահ եմ, որ Սոլարին ճիշտ կհասկանա իմ խոսքը: Կարծում եմ՝ հիմա «Ռեալի» ֆանատները բավարարված կլինեն իմ պատասխանով»,- Գվարդիոլայի խոսքը մեջբերում է Goal.com-ը:
Հիշեցնենք, որ նախորդ երեք տարիներին «Ռեալն» անընդմեջ նվաճել է Չեմպիոնների լիգայի գավաթը:
Հետևեք NEWS.am SPORT-ին Facebook-ում, Twitter և Telegram-ում