Գվարդիոլա. «Ռեալը» տասնամյակի լավագույն թիմը չէ՝ հաշվի առնելով չեմպիոնական տիտղոսները
15:21 9 փետրվարի, 2019Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան պարզաբանել է, թե ինչու Եվրոպայի տասնամյակի լավագույն թիմերի եռյակում չի ընդգրկել Մադրիդի «Ռեալը»: «Բարսելոնայի» նախկին մարզիչը նշել էր «Բավարիան», «Յուվենտուսը» եւ «Բարսելոնան»:
«Արքայական թիմի երկրպագուներն ասում են, որ իրենց թիմն է լավագույնը Եվրոպայում: Բայց «Ռեալը» տասնամյակի լավագույն թիմը չէ Եվրոպայում, եթե հաշվենք ազգային տիտղոսները: «Յուվենտուսը», «Բարսելոնան» եւ «Բավարիան» ազգային առաջնություններում հաղթել են վեց կամ յոթ անգան, իսկ «Ռեալը»՝ երկու անգամ:
Վստահ եմ, որ Սոլարին ճիշտ կհասկանա իմ խոսքը: Կարծում եմ՝ հիմա «Ռեալի» ֆանատները բավարարված կլինեն իմ պատասխանով»,- Գվարդիոլայի խոսքը մեջբերում է Goal.com-ը:
Հիշեցնենք, որ նախորդ երեք տարիներին «Ռեալն» անընդմեջ նվաճել է Չեմպիոնների լիգայի գավաթը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։