Կատալոնական «Բարսելոնան» ֆրանսիացի կիսապաշտպան Ուսման Դեմբելեին 100 հազար եվրոյով տուգանել է մարզումից ուշանալու համար, հայտնում է L’Equipe-ը:
Կատալոնական ակումբը չի բացատրել այդ որոշումը, որպեսզի ավելորդ աղմուկ չստեղծվի 21-ամյա ֆուտբոլիստի շուրջ:
Հիշեցնենք, որ «Էսպանյոլի» դեմ Իսպանիայի առաջնության 15-րդ տուրի հանդիպման (4:0) հաջորդ օրը Ֆրանսիայի հավաքականի խաղացողը քնած էր մնացել եւ 2 ժամ ուշացումով է ներկայացել ակումբի մարզմանը:
Դա առաջին դեպքը չէր, երբ Դեմբելեն խախտում է կարգապահությունը: Իսպանիայի ընթացիկ առաջնությունում նա մասնակցել է 14 խաղի, դարձել 6 գոլի ու 3 գոլային փոխանցման հեղինակ:
Հետևեք NEWS.am SPORT-ին Facebook-ում, Twitter և Telegram-ում