Արշավինը կշարունակի կատարել Ռուսաստանի հավաքականի ավագի պարտականությունները

Կոտդիվուարցիների հետ ընկերական հանդիպմանը նախապատրաստվող ֆուտբոլի Ռուսաստանի ազգային հավաքականն առաջին մարզումն է անցկացրել թիմի նորանշանակ գլխավոր մարզիչ Ֆաբիո Կապելոյի գլխավորությամբ:

Օգոսոտսի 13-ին կայացած մարզմանը ներկա են եղել հավաքին հրավիրված բոլոր ֆուտբոլիստները, բացի Սանկտ Պետերբուրգի «Զենիթի» կիսապաշտպան Ռոման Շիրոկովից, որը վնասվածքի պատճառով չի մասնակցի հանդիպմանը:

Ռուսաստանի ֆուտբոլային միության պաշտոնական կայքը հայտնում է, որ ազգային թիմի ավագի պարտականությունները կշարունակի կատարել Լոնդոնի «Արսենալի» հարձակվող Անդրեյ Արշավինը:

Հիշեցնենք, որ Ռուսաստան – Կոտ դ՛Իվուար ընկերական հանդիպումը կկայանա օգոստոսի 15-ին Մոսկվայում: 

Հետևեք NEWS.am SPORT-ին Facebook-ում, Twitter և Telegram-ում