18:12  +04,  12 նոյեմբերի, 2018

«Համբուրգի» կիսապաշտպան Ե. Ղուբասարյան. Շատ ուրախ եմ, որ միացել եմ Հայաստանի թիմին

Ֆուտբոլի Հայաստանի մինչեւ 19 տարեկանների հավաքականը Ավանի ֆուտբոլային ակադեմիայում շարունակում է պատրաստվել Երեւանում նոյեմբերի 14-20-ը անցկացվելիք ընկերական միջազգային մրցաշարին, որին կմասնակցեն նաեւ Գերմանիայի, Պորտուգալիայի եւ Հոլանդիայի հավաքականները: Հայաստանի թիմին է միացել գերմանական «Համբուրգի» մինեւ 19 տարեկանների թիմի կիսապաշտպան Երջանիկ Ղուբասարյանը:

«Շատ ուրախ եմ, որ կարող եմ Հայաստանի համար խաղալ: Դա իմ մեծ երազանքն էր, շատ ուրախ եմ, որ կատարվեց: Ցանկանում եմ անպայման թիմին օգնել: Երրորդ անգամ եմ Հայաստանում: Թիմում շատ լավ, եղբայրական ընդունեցին ինձ, շատ ուրախ եմ, որ այդպիսի թիմակիցներ ունեմ»,- ասել է Ղուբասարյանը ՀՖՖ մամուլի ծառայությանը:

Արթուր Ոսկանյանի գլխավորած թիմը նոյեմբերի 14-ին կհանդիպի Հոլանդիայի թիմի հետ, իսկ Գերմանիան կխաղա Պորտուգալիայի հետ:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ