Ֆուտբոլի Հայաստանի Բարձրագույն խմբի 15-րդ տուրի վերջին խաղում Վանաձորի Լոդին Երեւանում 2:2 հաշվով ավարտեց հետնապահ «Արարատի» դեմ արտագնա հանդիպումը: Բոլոր գոլերը գրանցվեցին երկրորդ խաղակեսում: «Արարատը» պարտությունից խուսափեց ավելացված ժամանակում:
Այս ոչ ոքիից հետո «Լոռին» վաստակեց 24 միավոր եւ մնաց երրորդ տեղում: Առաջատար «Ալաշկերտն» ունի 28 միավոր, իսկ «Արարատը»՝ 7:
Հիշեցնենք, որ օրվա մյուս խաղում «Բանանցը» 0:2 հաշվով պարտվել էր «Փյունիկին»:
Հայաստանի առաջնություն, 15-րդ տուր
«Արարատ» - «Լոռի»՝ 2:2
Սարգիս Մեթոյան, 74, Գոռ Պողոսյան, 90+4 - Դեսիրե Ջոնել, 65 (11մ), Նվանկվո Ֆրանսիս, 85
«Փյունիկ» - «Բանանց»՝ 2:0
Ալիկ Առաքելյան, 7, 84
Հետևեք NEWS.am SPORT-ին Facebook-ում, Twitter և Telegram-ում