00:21  ,  1 նոյեմբերի, 2018

Սոլարիի նորամուտի խաղը «Ռեալում» հաղթական էր՝ 4:0 (տեսանյութ)

Արգենտինացի Սանտյագո Սոլարիի նորամուտը Մադրիդի «Ռեալի» գլխավոր մարզիչի պաշտոնում (ժամանակավոր պաշտոնակատար) հաղթական էր: Իսպանիայի գավաթի խաղարկության 1/16 եզրափակիչի առաջին խաղում Արքայական թիմը հյուրընկալվեց «Մելիլյային», որը ներկայացնում է Իսպանիային պատկանող համանուն կիսաանկլավային ինքնավար քաղաքը Աֆրիկայի միջերկրածովյան ափին՝ շրջապատված Մարոկկոյի տարածքով:

«Ռեալը» հաղթեց 4:0 հաշվով: Աչքի ընկան ֆրանսիացի հարձակվող Քարիմ Բենզեման, իսպանացի կիսապաշտպան Մարկո Ասենսիոն, իսպանացի պաշտպան Ալվարո Օդրիոսոլան եւ իսպանացի հարձակվող Կրիստո Գոնսալեսը:

Պատասխան հանդիպումը Մադրիդում տեղի կունենա դեկտեմբերի 5-ին:

Իսպանիայի Գավաթ, 1/16 եզրափակիչ, առաջին հանդիպում

«Մելիլյա» - «Ռեալ»՝ 0:4 (տեսանյութ)

Քարիմ Բենզեմա, 28, Մարկո Ասենսիո, 45+1, Ալվարո Օդրիոսոլա 79, Կրիստո Գոնսալես, 90+3

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով