Բրիտանական Մեն կղզում անցկացվող Isle of Man մրցաշարի 8-րդ տուրում հայկական շախմատի առաջատար Լեւոն Արոնյանը սեւերով անակնկալ պարտություն կրեց անգլիացի Գավեյն Ջոնսից: Հայ գրոսմայստերն իր պարտությունն ընդունեց 51-րդ քայլում:
Հայաստանի հավաքականի մեկ այլ շախմատիստ Հրանտ Մելքումյանը սպիտակներով 83-րդ քայլում հաղթեց ռուս Սեմյոն Լոմասովին:
8-րդ տուրից հետո Լեւոն Արոնյանն ունի 5 միավոր եւ 1.5 միավոր զիջում է մրցաշարային աղյուսակը գլխավորող Ռադոսլավ Վոյտաշեկին ու Արկադի Նայդիչին: Հրանտ Մելքումյանը հավաքել է 5.5 միավոր:
Isle of Man-ին մասնակցում են 37 երկրների 165 շախմատիստներ, այդ թվում՝ 75 գրոսմայստեր:
Հետևեք NEWS.am SPORT-ին Facebook-ում, Twitter և Telegram-ում