Մոուրինյո. Ցնցող է, որ Խորվաթիան հասավ եզրափակիչ

Անգլիական «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն մեկնաբանել է Խորվաթիայի հավաքականի հաղթականը Անգլիայի նկատմամբ աշխարհի առաջնության կիսաեզրափակիչում:

«Սա հսկայական նվաճում է Խորվաթիայի համար, որի ներքին լիգան այնքան էլ ուժեղ չէ: Ցնցող է, որ նրանք հասել են եզրափակիչ: Անգլիան այսօր ունի արտասվելու առիթ: Բայց կա նաեւ լավատեսության առիթ:

Ենթադրում եմ, որ Յանգն ու Վարդին չեն մասնակցի 2022թ. աշխարհի առաջնությանը, բայց մյուսները կունենան հրաշալի հնարավորություն: Ես Սաութգեյթին կթողնեի Անգլիայի հավաքականի գլխավոր մարզիչի պաշտոնում եւ շանս կտայի նրնան ղեկավարել թիմը նաեւ Եվրո-2020-ի ժամանակ: Նրանք ունեն բոլոր հիմքերը հպարտությամբ վերադառնալ հայրենիք»,- Մոուրինյոյի խոսքը մեջբերում է RT-ն:

Հիշեցնենք, որ խսրվաթները Անգլիային հաղթեցին լրացուցիչ ժամանակում՝ 2:1:

Հետևեք NEWS.am SPORT-ին Facebook-ում, Twitter և Telegram-ում