Հունիսի 19-ին Շվեյցարիայի Նիոնում հայտնի դարձավ, որ Չեմպիոնների լիգայի որակավորման առաջին փուլում «Ալաշկերտը» կհանդիպի Շոտլանդիայի ամենահեղինակավոր ակումբին` «Սելթիկին»:
«Ալաշկերտի» մամուլի ծառայության հետ զրույցում Հայաստանի չեմպիոնների գլխավոր մարզիչ Վարուժան Սուքիասյանը խոսել է վիճակահանության և «Սելթիկի» հետ դիմակայությունից մասին:
«Մեզ ուժեղ մրցակից է բաժին հասել, որին, իհարկե, հարգում ենք: Բայց, վախենալու ոչինչ չկա: Պետք է կազմակերպված գործենք երկու խաղերում, ցուցադրենք նախաձեռնող ֆուտբոլ և փորձենք մեր կամքը թելադրել մրցակցին: Պետք չէ մոռանալ որ մենք հավաքականի կազմում միջազգային փորձ կուտակած մի շարք ֆուտբոլիստներ, ինչպես նաև` փորձառու լեգիոներներ ունենք մեր կազմում: Ամենայն լրջությամբ ենք պատրաստվում «Սելթիկի» հետ դիմակայությանը: Ամեն ինչ կանենք` գեղեցիկ խաղ ցուցադրելու և մեր երկրպագուներին ուրախացնելու համար»,- նշել է Սուքիասյանը:
«Սելթիկի» մամուլի ծառայության հետ զրույցում վիճակահանությունը մեկնաբանել է թիմի ավագ մարզիչ Քրիս Դևիսը: Շոտլանդական թիմը գլխավորում է անգլիական «Լիվերպուլի» նախկին գլխավոր մարզիչ Բրենդան Ռոջերսը:
«Մեզ սպասվում է դժվար ճանապարհորդություն` դեպի Հայաստան: Պատասխան խաղը կանցկացնենք տանը, ինչը դրական է մեզ համար: Եթե մենք ցուցադրենք մեր խաղամակարդակը, ապա կհաղթենք, սակայն չենք պատրաստվում թերագնահատել մրցակցին: Մենք գիտենք, որ այսպիսի թիմերի դեմ խաղերում կարելի է դժվարությունների հանդիպել: Հավանական է, որ Հայաստանում չափազանց շոգ կլինի, սակայն մենք պատրաստ ենք դրան: Լրջորեն պատրաստվում ենք առաջիկա դիմակայությանը», - ասել է Քրիս Դևիսը։
«Ալաշկերտ» - «Սելթիկ» առաջին հանդիպումը կկայանա հուլիսի 11-ին Երևանի «Հանրապետական» մարզադաշտում և կմեկնարկի 20:00-ին:
«Սելթիկ» - «Ալաշկերտ» պատասխան խաղը կկայանա հուլիսի 18-ին Գլազգոյի «Սելթիկ Պարկ» ստադիոնում և կմեկնարկի Երևանի ժամանակով 22:45-ին (տեղի ժամանակով` 19:45-ին):
Հետևեք NEWS.am SPORT-ին Facebook-ում, Twitter և Telegram-ում
23:53 , 26 ապրիլի 
22:24 , 26 ապրիլի 
21:56 , 26 ապրիլի 
21:43 , 26 ապրիլի 
21:32 , 26 ապրիլի 
21:11 , 26 ապրիլի 
21:02 , 26 ապրիլի 
20:43 , 26 ապրիլի 
19:38 , 26 ապրիլի 
19:00 , 26 ապրիլի 
