09:11  +04,  12 հունիսի, 2018

NEWS.am Sport-ը՝ Ռուսաստանից. Հայաշատ Սոչին՝ ֆուտբոլային տոնին ընդառաջ (ֆոտո)

Սոչին պատրաստվում է ֆուտբոլի աշխարհի առաջնության մեկնարկին: Ռուսաստանում կայանալիք աշխարհի առաջնության մեկնարկից օրեր առաջ ծովափնյա քաղաքում ընթանում են վերջին աշխատանքները:

Սոչիում ապրում են բազմաթիվ հայեր, որոնց կարելի է հանդիպել քաղաքի գրեթե բոլոր հատվածներում: Այստեղ ֆուտբոլային երկրպագուները դեռ շատ չեն, եւ աշխարհի առաջնության շունչը հիմնականում զգացվում է ֆուտբոլային տոնին նվիրված պաստառներով ու բազմաթիվ ցուցանակներով: Քաղաքի տարբեր հատվածներում կան հետհաշվարկի լուսատախտակներ: Աշխարհի առաջնությունում այստեղ անցկացվելու են խմբային փուլի 4 հանդիպումներ ու փլեյ-օֆֆի 2 խաղեր:

Մինչեւ Սոչիի «Ֆիշտ» ստադիոնին անցնելը, անդրադառնանք երկրպագուների համար նախատեսված գոտուն: Ֆան գոտին գտնվում է հենց Սոչի քաղաքի գլխավոր նավահանգստի անմիջապես հարեւանությամբ, թեեւ ԱԱ-2018-ի խաղերն անցկացվելու են Ադլերում, որը մոտ 30 կմ հեռավորության վրա է Սոչիից: Քաղաքի գլխավոր կայարանից քայլելով մոտ 15 րոպեում կարելի է հասնել ֆան գոտի: Սոչիում ֆան գոտին պաշտոնապես կբացվի հունիսի 14-ին՝ աշխարհի առաջնության բացման օրը: Այստեղի ֆան գոտին դեռ ամբողջությամբ պատրաստ չէ, իսկ տարածքը շատ մեծ չէ: Աշխատանքները շարունակվում են: Ֆան գոտում տեղադրված մեծ էկրանի վրա ցուցադրվելու են աշխարհի առաջնության բոլոր հանդիպումները: Ֆան գոտին գտնվում է ծովափին՝ քաղաքային լողափի հարեւանությամբ:

Սոչիից Ադլերի «Ֆիշտ» ստադիոն երկրպագուները կարող են ուղեւորվել ինչպես մեքենայով ու ավտոբուսով, այնպես էլ՝ գնացքով: Ստադիոնը գտնվում է Ադլերի Օլիմպիական այգում, որն ունի նաեւ գնացքի կայարան: Ինչպես Սոչիում, այնպես էլ Ադլերում կան նորաբաց սրահներ, որտեղից երկրպագուները կարող են ստանալ ՖԻՖԱ-ի երկրպագուական անձնագրերը:

«Ֆիշտ» ստադիոնում անցկացվելու են խմբային փուլի 4 հանդիպումներ՝ Պորտուգալիա – Իսպանիա (հունիսի 15), Բելգիա – Պանամա (հունիսի 18), Գերմանիա – Շվեդիա (հունիսի 23) եւ Ավստրալիա – Պերու (հունիսի 26): Հունիսի 30-ին Սոչիում կկայանա 1/8 եզրափակիչի հանդիպումներից մեկը, իսկ հուլիսի 7-ին քաղաքն ԱԱ-2018-ում իր առաքելությունը կավարտի քառորդ եզրափակիչի խաղով:

Հատկանշական է, որ «Ֆիշտ» ստադիոնը կառուցվել է ոչ թե ԱԱ-2018-ի, այլ 2014-ին կայացած ձմեռային Օլիմպիական խաղերի համար: Ստադիոնի շինարարական աշխատանքները մեկնարկել են 2007 թվականին ու ավարտվել 2013-ին: Այս ստադիոնում տեղի են ունեցել ձմեռային Օլիմպիական խաղերի բացման ու փակման արարողությունները: Ձմեռային Օլիմպիական խաղերի ժամանակ «Ֆիշտը» հյուրընկալում էր 40 հազար երկրպագու: 2017-ին կայացած Կոնֆեդերացիաների գավաթի խաղարկության ժամանակ նստարանների քանակն ավելացվել է 1200-ով, իսկ ԱԱ-2018-ում ստադիոնը կունենա 48 հազար աթոռ: 2017 թվականին «Ֆիշտը» ձեւափոխվել է աշխարհի առաջնության համար:

Ստադիոնը գտնվում է Օլիմպիական այգու վերջնամասում՝ օլիմպիական կրակի հարեւանությամբ: Ստադիոնից լողափ կարելի է հասնել 8-10 րոպեում: Ստադիոնի հարեւանությամբ են գտնվում նաեւ Ֆորմուլա-1-ի մրցուղին ու ատրակցիոնները:

Սոչիում է գտնվում նաեւ Բրազիլիայի հավաքականի մարզաբազան: Բրազիլացիները Սոչի էին ժամանել նախօրեին: Դրա առթիվ քաղաքային հեռուստաաշտարակը լուսավառվել էր Բրազիլիայի դրոշի գույներով: Չնայած Բրազիլիայի հավաքականը խմբային փուլի խաղեր չունի Սոչիում, սակայն նրանք ընտրել են այս քաղաքի, որտեղի կլիման ամենահարմարավետն է նրանց համար: Հունիսի 12-ին Տիտեի գլխավորած թիմը նաեւ բաց մարզում կանցկացնի Սոչիի «Հարավ-սպորտ» ստադիոնում: Սոչիում բրազիլացիները հանգրվանել են Swissotel Resort հյուրանոցում:

Բրազիլիայի հավաքականի եւ ֆրանսիական ՊՍԺ-ի հարձակվող Նեյմարն Իստագրամում արդեն լուսանկար է հրապարակել Սոչիի լողափից:

ԱԱ-2018-ի տոնը, կարելի է ասել, դեռ չի մեկնարկել Սոչիում, սակայն այստեղ սպասվում են ֆուտբոլային թեժ օրեր: Ի դեպ, Սոչիի իշխանությունների որոշմամբ՝ ԱԱ-2018-ի խաղերի օրերը (հունիսի 15, 18, 23, 26, 30 եւ հուլիսի 7) Սոչիում կլինեն ոչ աշխատանքային:

Դավիթ Եղիազարյան՝ Սոչիից

NEWS.am-ում աշխարհի առաջնության լուսաբանման գլխավոր գործընկերն է TotoGaming-ը:

TotoGaming-ը անցկացնում է նոր սուպեր ակցիա՝ SuperToto, Զգա...

Սա քո հնարավորությունն է շահելու մեծ Ջեքփոթ:

Խոշոր գումար՝ խաղադրույքիդ 10-ապատիկ չափով կամ շքեղ ավտոմեքենա։

Լուսաբանման գործընկերն է Ucom-ը: 

Այս ամառ Ռուսաստանում ինտերնետն ընդամենը 15 դրամ:
Ընդամենը 15դրամ/ՄԲ ռոմինգում ևս 42 երկրում:
Ucom. Ձեր հանգստի օպերատորը: Մանրամասները՝ այստեղ։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով


  • Լրահոս
Loading...
  • Հարցում
Քվեարկել են (10)
  • Ֆեյսբուք
  • NEWS.am Sport Exclusive
  • Արխիվ
Loading...