23:40  +04,  28 մայիսի, 2018

Բրազիլացիները ԱԱ-ում հաղթելու դեպքում ռեկորդային պարգևավճար կստանան

Բրազիլիայի ֆուտբոլի կոնֆեդերացիան ռեկորդային պարգևավճար է խոստացել  հավաքականի ֆուտբոլիստներին, եթե նրանք հաղթեն ԱԱ-2018-ում։

Մունդիալում հաջողության հասնելու դեպքում Բրազիլիայի հավաքականի ֆուտբոլիստներն ու մարզչական շտաբի անդամները կստանան մեկական միլիոն դոլար պարգևավճար, հաղորդում է globoesporte-ը։

ԱԱ-2018-ի խմբային փուլում  Տիտեի գլխավորած ընտրանու մրցակիցները կլինեն Շվեյցարիան, Կոստա Ռիկան և Սերբիան։

Հիշեցնենք, որ աշխարհի առաջնության եզրափակիչ մրցաշարը կանցկացվի հունիսի 14-ից հուլիսի 15-ը Ռուսաստանի 11 քաղաքներում՝ Մոսկվայում, Սանկտ Պետերբուրգում, Սոչիում, Կազանում, Նիժնի Նովգորոդում, Սարանսկում, Սամարայում, Դոնի Ռոստովում, Վոլգոգրադում, Կալինինգրադում եւ Եկատերինբուրգում: Աշխարհի չեմպիոնի տիտղոսը կպաշտպանի Գերմանիայի հավաքականը: 

 

 

 

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս